انگلينڊ جي مشهور آل رائونڊر بين اسٽوڪس انگلينڊ جي ٽيسٽ ٽيم جو نئون ڪپتان مقرر ڪيو ويو آهي. ميڊيا مطابق انگلينڊ ڪرڪيٽ بورڊ اڳوڻي ڪپتان جو روٽ جي قيادت ڇڏڻ بعد 81هين ڪپتان طور بين اسٽوڪس جي چونڊ ڪئي آهي. هوڏانهن ڪرڪيٽ بورڊ جي نئين ايم ڊي روب ڪي جي سفارش بعد عارضي چيئر ۽ سي اي او نئون ڪپتان مقرر جي منظوري ڏئي ڇڏي آهي. انگلينڊ جي نئين ٽيسٽ ڪپتان بين اسٽوڪس چيو آهي تھ انگلينڊ جي ٽيسٽ ڪپتاني ملڻ لا اعزاز سمجهان ٿو، مون کي هتي آڻڻ ۾ جو روٽ جو ڪردار آهي، مان اميد ڪندس تھ هو ايندڙ وقت ۾ بھ مون سان گڏ هوندو. مينيجنگ ڊائريڪٽر روب ڪي جو چوڻ هو تھ مون بين اسٽوڪس کي ڪپتاني جي آڇ بنا هٻڪ جي ڪئي هئي. عارضي چيئر ۽ سي اي او ٽام هيريسن چيو تھ خوشي آهي تھ بين آڇ قبول ڪئي، يقينن هو ٽيسٽ ٽيم جا چيلنج پورا ڪندو.
