ليورپول ايف اي فٽبال ڪپ جي ٽرافي کٽي ورتي

فٽبال جي مشهور ڪلب ليورپول ايف اي ڪپ جو فائنل کٽي ٽرافي پنهنجي نالي ڪري ورتي آهي. ميڊيا مطابق ايف اي ڪپ جي فائنل ۾ ليورپول چيلسي کي 5 جي ڀيٽ ۾ 6 گولن تان هارايو آهي. ان کان اڳ راند دوران ميچ جي مقرر وقت دوران ڪابھ ٽيم گول ڪري نھ سگهي، جنهن جو فيصلو پينلٽيز ٿي ڪيو ويو آهي. رپورٽ ۾ ڄاڻايو ويو آهي تھ پينلٽيز جي مرحلي ۾ چيلسي جي رانديگرن 5 گول ڪيا ۽ ليورپول جا رانديگر 6 گول ڪري ٽائيٽل کٽڻ ۾ ڪامياب ٿي ويا. هوڏانهن برطانوي شهزادي وليم ليورپوول کي ٽرافي کٽڻ تي مبارڪ ڏني آهي.