ويسٽ انڊيز خلاف هوم سيرز ۾ نوجوان ڪرڪيٽرن کي آزمائڻ تي غور ڪيو ويو آهي، جنهن بابت حتمي فيصلو ٿيڻ تي اسڪواڊ جو اعلان اڄ ڪيو ويندو. ميڊيا مطابق پي سي بي لاڳيتو ڪرڪيٽ کيڏندڙ سينيئر رانديگرن کي آرام ڏيڻ بابت سنجيدگي سان غور ڪيو آهي. جڏهن تھ جون مهيني ۾ پاڪستان ايندڙ ويسٽ انڊيز خلاف ون ڊي سيريز ۾ وڪيٽ ڪيپر محمد رضوان کي آرام ڏئي سندس جڳهه تي محمد حارث کيڏائڻ جو فيصلو ڪيو ويو آهي. اهڙي ريت شاهين شاهه آفريدي، حسن علي کي ٽن ميچن واري سيريز ۾ نھ کيڏائڻ جي ڏس ۾ مشورا مڪمل ڪيا ويا آهن.ذريعن جو چوڻ آهي تھ سليڪشن ڪاميٽي جو سربراهه پي سي بي چيئرمين رميز راجا جي منظوري ملڻ بعد قومي اسڪواڊ جو اعلان ڪندو. ياد رهي تھ ون ڊي سيريز جون ٽي ميچون پنڊي ۾ 8، 10 ۽ 12 جون تي کيڏي وينديون.
