انگلينڊ جي پاڪستاني دوري بابت ٻنهي بورڊز ۾ ڳالهيون

پي سي بي ۽ انگلينڊ ڪرڪيٽ بورڊ جي اختيارين ۾ انگلينڊ جي ٽيم جي پاڪستان واري دوري بابت ڳالهيون ڪيون ويون آهن. ميڊيا مطابق پاڪستان ۾ ٻنهي ملڪن جي ٽيمن وچ ۾ سيريز ڪرائڻ جي حوالي سان ٻنهي بورڊن جي عهديدارن پاڻ ۾ مشورا پڻ ڪيا آهن. رپورٽ ۾ ڄاڻايو ويو آهي تھ ذريعن جو چوڻ آهي تھ نيوزيلينڊ ۾ رٿيل ٽھ ملڪي سيريز جو دارومدار انگلينڊ جي پاڪستان جي دوري سان مشروط آهي، ڇاڪاڻ تھ پاڪستان ۽ انگلينڊ ۾ سيريز طئي ٿيڻ بعد نيوزيلينڊ ۾ ٽھ ملڪي سيريز جي تاريخن جو اعلان ڪيو ويندو.