برمنگهم ڪامن ويلٿ گيمز لا پاڪستان ويمن جي 15 رڪني اسڪواڊ جو اعلان ڪيو ويو آهي، جنهن ۾ سريلنڪا خلاف ٽي 20 سيريز ۾ ڪلين سوئيپ ڪندڙ ٽيم کنئي وئي آهي. ميڊيا مطابق چيف سليڪٽر اسماويا ڪپتان بسما معروف سان مشورا ڪرڻ بعد رانديگرن جي چونڊ جو اعلان ڪيو آهي. جڏهن تھ اسڪواڊ سان گڏ غلام فاطما، ام هاني ۽ صدف شمس کي ريزرو رانديگرن طور شامل ڪرڻ جو فيصلو ڪيو ويو. بسما معروف قومي ويمن ٽيم جي ڪپتان هوندي، باقي رانديگرياڻين ۾ ايمن انور، عاليا رياض، انعم امين، عائشا نسيم، ڊيانا بيگ، فاطما ثنا، گل فيروزا، ندا ڊار، ارم جاويد، عميما سهيل، ڪائنات امتياز، منيبا علي، سعيديا اقبال ۽ طوبا حسن اسڪواڊ ۾ جڳهه ٺاهي ورتي آهي. هوڏانهن ميڊيا کي جاري ڪيل بيان ۾ چيف سليڪٽر اسماويا اقبال جو چوڻ هو تھ، سريلنڪا خلاف ٽي 20 سيريز ۾ ڪلين سوئيپ ڪندڙ ٽيم برقرار رکي آهي ۽ آئرلينڊ ۾ ٽھ ملڪي سيريز ۾ بھ اها ئي ٽيم کيڏندي. ويمن ٽيم جي سربراهه تانيا ملڪ چيو تھ ڪامن ويلٿ گيمز ۾ بسما جي فيملي جي گيمز وليج ترسڻ جي اجازت ملڻ تي آرگنائيزرس جا ٿورائتا آهيون.
