ملتان: پاڪستان ۽ ويسٽ انڊيز وچ ۾ ٽن ڏينهن واري ون ڊي ڪرڪيٽ سيريز 8 جون کان ملتان ۾ شروع ٿي رهي آهي، جنهن لاءِ سيڪيورٽي جا غيرمعمولي انتظام ڪيا ويا آهن. ملتان پوليس ۽ ٻيا ادارا پاڪ ويسٽ انڊيز ڪرڪيٽ سيريز جهڙن اهم ايونٽس جي سيڪيورٽي کي يقيني بڻائڻ لاءِ ڀرپور ڪوششون ڪري رهيا آهن، ضلعي جي سيڪيورٽي 5 کان 13 جون تائين ريڊ الرٽ تي رکي ويندي. ڪرڪيٽ اسٽيڊيم جي چوڌاري رهائشي ۽ ڪمرشل علائقن ۾ روزاني جي بنياد تي سرچ آپريشن ڪيو پيو وڃي، جڏهن ته شهر جي سمورن هوٽلن ۽ هوٽلن جي سخت چيڪنگ ڪئي پئي وڃي.
اسٽيڊيم جي چوڌاري ٽيمن جي رستن تي 6 هزار پوليس اهلڪار مقرر ڪيا ويا آهن ۽ هوٽلن تي جتي به مهمان ٽيمون ترسينديون انهن هوٽلن ۾ عام ماڻهن جي بڪنگ تي به پابندي لڳائي وئي آهي. هوڏانهن آءِ سي سي پاڪستان ۽ ويسٽ انڊيز وچ ۾ ٽن ون ڊي ميچن تي ٻڌل سيريز جي ٽڪيٽن جو وڪرو شروع ٿي ويو آهي. پاڪستان ڪرڪيٽ بورڊ (پي سي بي) موجب ويسٽ انڊيز خلاف 8، 10 ۽ 12 جون تي ٿيندڙ ون ڊي ميچن جي ٽڪيٽن جي گهٽ ۾ گهٽ قيمت 300 روپيا ۽ وڌ ۾ وڌ 500 روپيا مقرر ڪئي وئي آهي. ٻئي طرف پاڪ ويسٽ انڊيز سيريز لاءِ ڪمنٽري پينل جو به اعلان ڪيو ويو آهي. پينل ۾ اين بشپ، جيف ڊجون، بايزيد خان، ثنا مير ۽ عروج ممتاز شامل آهن، جڏهن ته زينب عباس براڊ ڪاسٽ پريزينٽر هوندو.
