پشاور زلمي اوورسيز ٽيم جوڙڻ جو فيصلو ڪري ورتو آهي، جنهن بابت ڪم شروع ڪيو ويو آهي. ميڊيا مطابق پي ايس ايل فرنچائيز جي جاري ڪيل بيان ۾ چيو ويو آهي تھ انضمام الحق، جيمز فوسٽر، هاشم آملا، محمد اڪرم ۽ وهاب رياض تي ٻڌل ڪوچنگ ٽيم انگلينڊ ۽ يورپ جو دورو ڪري رانديگرن جي چونڊ ڪندي. بيان موجب ڪوچنگ ٽيم پرڏيهه ۾ وڃي ٽيلنٽ هنٽ پروگرام ذريعي ڪرڪيٽر ڳوليندي ۽ اهو عمل پورو ڪرڻ بعد چونڊيل رانديگر چيمپيئن پشاور ٽورنامينٽ ۾ پڻ شريڪ ٿيندا. هوڏانهن پشاور زلمي جي چيئرمين جاويد آفريدي چيو آهي تھ ٽيلنٽ هنٽ ذريعي دنيا ۾ پاڪستان جو پيار ۽ امن جو پيغام ڏنو ويندو، جنهن سان مثبت پيغام ويندو.
