پاڪستان جي بالرن سريلنڪا خلاف پهرين ٽيسٽ جي شروعات جارحاڻي انداز ۾ ڪندي اڌ ٽيم کي رڳو 130 رنسن تي آئوٽ ڪري ڇڏيو آهي. ميڊيا مطابق گال جي ميدان تي ڪالهه ٽيسٽ جي پهرين ڏينهن سريلنڪا جئين بيٽنگ شروڳ ڪئي تھ شاهين آفريدي ڪپتان ڊيموٿ ڪرونارتني کي هڪ رنس تي آئوٽ ڪري ڇڏيو. جڏهن تھ ڌننجيا ڊي سلو 21 ۽ نروشن ڊڪوالا کي 4 رنسن تي شاهين آفريدي واپسي جو رستو ڏيکاري ڇڏيو. هوڏانهن حسن علي 35 رنسن تي اوشاڊا فرنانڊو کي آئوٽ ڪيو. جڏهن تھ ياسر شاهه ڪوشل مينڊس 21 رنسن ۽ اينجلو ميٿيوز کي ٻڙي تي آئوٽ ڪري سريلنڪا کي ڏکيائين ۾ وجهي ڇڏيو آهي. پاڻي جي وقفي تائين سريلنڪا جا بيٽر ڌنيش چنديمل 41 ۽ رميش مينڊس 11 رنسن تي کيڏي رهيا هئا.
