آسٽريليا ويمن ۽ انگلينڊ جي ويمن ڪرڪيٽ ٽيمن ٽھ ملڪي سيريز ۾ پنهنجون پنهنجون ميچون کٽي ورتيون آهن. ميڊيا مطابق انگلينڊ ويمن جي ٽيم ڏکڻ آفريقا ويمن جي 9 وڪيٽن تي 111 واري هدف پويان کيڏندي 4 وڪيٽن تي 114 رنسون ٺاهي 6 وڪيٽن تان ڪاميابي ماڻي. جڏهن تھ آئرلينڊ ويمن ٽيم کي آسٽريليا ويمن 63 رنسن تان هارايو آهي، جنهن ۾ آسٽريليا 4 وڪيٽن تي ميگ ليننگ جي 74 ۽ ٽاهليا مڪگرا 70 رنسن سان 184 رنسون ٺاهيون، جنهن جي موٽ ۾ آئرلينڊ جي ٽيم 7 وڪيٽن تي 119 رنسون ٺاهي سگهي. جڏهن تھ انگلينڊ جي ڪيٿرين برنٽ ڏکڻ آفريقا جون 4 وڪيٽون وٺي پاڻ ملهايو.
