اسلام آباد: قومي ڪرڪيٽر ڪامران اڪمل جو چوڻ آهي ته قومي ٽيم جي ٽي-ٽوئنٽي ورلڊ ڪپ اسڪواڊ ۾ سندس جاءِ ناهي. باغ اسٽالن جي آئڪن پليئر ڪامران اڪمل ميڊيا سان ڳالهائيندي چيو ته ڪرڪيٽ جا شوقين ڪشمير پريميئر ليگ لاءِ بيحد پرجوش آهن، ڪي پي ايل ان ايونٽ ۾ سٺي ڪرڪيٽ کيڏڻ سان ٽورنامينٽ جو معيار بهتر بڻائڻ جو سوچي رهيو آهي.
هن چيو ته هر اننگز ۾ 70، 80 رنسون ٺاهڻ آسان ناهي ڇاڪاڻ ته ڪرڪيٽ لفظن سان نه کيڏي ويندي آهي، سٺي ڪرڪيٽ کيڏڻ لاءِ گرائونڊ تي سخت محنت جي ضرورت آهي. ڪامران اڪمل وڌيڪ چيو ته ٽي 20 ورلڊ ڪپ جي اسڪواڊ جي چونڊ دوستي جي بنياد تي نه ڪئي وڃي، آسٽريليا جي حالتن جي بنياد تي ميرٽ تي چونڊجڻ گهرجي.
