ڪامن ويلٿ گيمز جي ڊسڪس ٿرو ايونٽ ۾ شرڪت بعد شڪست کائيندڙ پاڪستان جي عورت ايٿليٽ کي ايونٽ ۾ حصو وٺڻ تي ٻن مهينن جي پگهار وڃائڻي پئي آهي. ميڊيا مطابق انيلا عزت بيگ عالمي سطح جي ايونٽس ۾ شرڪت باوجود ٽريننگ ڪرڻ جي سهولت کان محروم آهي، ڇاڪاڻ تھ انيلا فيصل آباد ۾ هڪ فيڪٽري ۾ ڪم ڪري ٿي ۽ رات جو گهر واپس ايندي آهي. برطانوي خابرو اداري کي ڏنل انٽرويو ۾ انيلا ٻڌايو تھ ڪامن ويلٿ گيمز ۾ اچڻ تي فيڪٽري مالڪ ٻن مهينن جي پگهار نھ ڏني، قومي ايٿليٽ جي فيڪٽري مالڪ ڪا مدد نٿو ڪري. هن چيو تھ مون کي ڊسڪس ٿرو ۾ ڊسڪس بھ ٻئي ڪنهن کان وٺڻا پوندا آهن، ڇوتھ مون وٽ ڪابھ سهولت ناهي. هن چيو تھ واپڊا ۾ ملازمت ڀلي نھ ملي، حڪومت ٽريننگ جي سهولت ڏئي تھ ميڊل کٽي ڏيکارينديس.
پرڏيهي دورن جا خرچ اڪثر اسين پاڻ ڪيون ٿا: ماحور شهزاد
شروعات ۾ ٻڌڻ ۾ آيو تھ پرڪشش آهيان، هر ڪوچ ٽريننگ ڏيڻ چاهي ٿو: نورينا شمس
خيبرپختونخواهه سان تعلق رکندڙ اسڪواش رانديگرياڻي نورينا شمس جو چوڻ آهي تھ عورت جو گهر کان ٻاهر نڪري ڪم ڪرڻ جي اجازت وٺڻ ۽ ٽريڪ سوٽ پائڻ ئي پهرين جنگ آهي. خابرو اداري سان ڳالهائيندي هن جو چوڻ هو تھ جن عورتن جا ڀائر ۽ والدين انهن جي ڍال هوندا آهن، انهن جي ڀيٽ ۾ اهڙي ڇانو کان محروم ڇوڪريون مشڪل مان گذرن ٿيون. هن ٻڌايو تُھ ڪيريئر جي شروعات ۾ مون کي ٻڌايو ويو تھ مان انتهائي خوبصورت يا پرڪشش آهيان، تنهنڪري هر ڪوچ ٽريننگ ڏيڻ چاهي ٿو، اهڙن روين آڏو ڄمي مقابلو ڪيو ۽ اڳتي وڌي آهيان.
