پاڪستاني ڪرڪيٽر يونين جوڙي مسئلا حل ڪرائين: شاهد آفريدي

پاڪستاني ڪرڪيٽ ٽيم جي اڳوڻي ڪپتان شاهد آفريدي چيو آهي تھ پاڪستاني ڪرڪيٽرن جي مفاد ۾ يونين جي سخت ضرورت آهي. ميڊيا سان ڳالهائندي هن اهو مشورو پڻ ڏنو تھ پاڪستان جي ڪرڪيٽرن کي يونين جوڙي پنهنجا مسئلا حل ڪرائڻ گهرجن، ڇاڪاڻ تھ پي سي بي رڳو ڪپتان کي خوش ڪرڻ چاهي ٿو، ان جا مطالبا حل ڪرڻ چاهي ٿو، پر رانديگرن جا مسئلا اهم نٿو سمجهي. هن چيو تھ يونين سان رانديگرن ۽ بورڊ وچ ۾ مسئلا حڪ ڪرڻ ۾ مدد ملندي، پر هو اها ڳالهه ڪرڻ ۾ محتاط هو، ڇوتھ ان ۾ پي سي بي وڏي رڪاوٽ بڻجندو.