باڪسنگ رنگ ۾ واپسي جو ڪو امڪان ناهي: عامر خان

پاڪستان ڄائي برطانوي باڪسر عامر خان چٽن لفظن ۾ چيو آهي تھ هاڻ باڪسنگ رنگ ۾ منهنجي واپسي جو ڪوبھ امڪان ناهي. ميڊيا سان ڳالهائيندي هن جو چوڻ هو تھ باڪسنگ دنيا جي انتهائي ڏکي راند آهي، تنهنڪري مان ايمانداري سان چوان ٿو تھ رنگ ۾ نٿو اچي سگهان، اهو طئي آهي تھ فائٽر طور واپسي ممڪن ناهي رهي. هن چيو تھ باڪسنگ رنگ ۾ گهٻرائيندو هئس، پر هاڻ ائين ناهي، ڇوتھ مان رڳو نڪرڻ چاهيان ٿو. هن چيو تھ مون پاڻ ۾ جيڪو محسوس ڪيو، ان کي ڏسي باڪسنگ ڇڏڻ جو فيصلو رٿيو آهي.