پاڪستان سپر ليگ جي فرنچائيز مالڪن کي پي سي بي پاران موجودا ماڊل بدران نيلامي وارو ماڊل اختيار ڪرڻ جي تجويز ڏني وئي آهي. ميڊيا مطابق ذريعن جو چوڻ آهي تھ پي سي بي فرنچائيز مالڪن کي موجودا ماڊل تي عمل بدران نئين نيلامي واري تجويز ڏياري موڪلي آهي، جيڪو آئي پي ايل سان مشابهت رکندڙ آهي. پي سي بي ذريعن موجب نيلامي واري ماڊل سان ليگ ۾ وڌيڪ رانديگر اچڻ جا خواهشمند ٿيندا. ميڊيا رپورٽ ۾ چيو ويو آهي تھ فرنچائيز مالڪ نيلامي واري ماڊل جي تجويز سان مالي ٻوجهه وڌڻ سبب خوش ناهن. جڏهن تھ مالڪن پي سي بي چيئرمين سان ملاقات جي تجويز ڏني آهي.
