لاهور: وومين ايشيا ڪپ لاءِ پاڪستان جي 15 رڪني اسڪواڊ جو اعلان ڪيو ويو آهي، اوپنر سدرا امين ۽ وڪيٽ ڪيپر سدرا نواز جي ٽيم ۾ واپسي ٿي وئي آهي. ڊيبيو جي انتظار ۾ ويٺل صدف شمس کي به ٽيم ۾ شامل ڪيو ويو آهي، جڏهن ته انعم امين ۽ گل فيروز کي ڊراپ ڪيو ويو آهي. بنگلاديش جي شهر سلهٽ ۾ ٿيندڙ ايونٽ لاءِ پاڪستاني اسڪواڊ ۾ بسمه معروف (ڪپتان)، عائشه نسيم، ڊيانا بيگ، فاطمه ثنا، ڪائنات امتياز، منيبا علي، ندا ڊار، عمائمه سهيل، صدف شمس، سعديه اقبال، طوبيٰ حسن، سدرا امين، سدرا نواز شامل آهن. نشرا سنڌو، نتاليا پرويز، ام هاني ۽ وحيده اختر کي رزرور ۾ رکيو ويو آهي.
