آسٽريليا لاڳيتو ٻي ميچ ۾ بھ نيوزيلينڊ کي شڪست ڏئي ون ڊي سيريز کٽي ورتي آهي. ميڊيا مطابق آسٽريليا جي ٽيم 9 وڪيٽن جي نقصان تي 195 رنسن ٺاهي نيوزيلينڊ کي هدف ڏنو، جنهن جي جواب ۾ نيوزيلينڊ جي سڄي ٽيم 82 رنسن تي آئوٽ ٿي وئي، جنهن بعد آسٽريليا 113 رنسن تان ڪاميابي ماڻي ورتي آهي. آسٽريليا جي بيٽرن مان اسٽيو سمٿ 61، مچل اسٽارڪ 38 رنسن سان نمايان رهيا، نيوزيلينڊ مان نيوزيلينڊ جي ڪپتان سڀني کان وڌيڪ 17 رنسون ٺاهيون ۽ 6 بيٽر تھ ڊبل فگر ۾ ئي نھ اچي سگهيا. جڏهن تھ ايڊم زمپا 5 وڪيٽون وٺي ٽيم کي فتح ڏياري، نيوزيلينڊ جي ٽرينٽ بولٽ 4 ۽ ميٽ هينري 3 وڪيٽون ورتيون آهن.
