آسٽريليا ۾ شروع ٿيندڙ ٽي-20 ورلڊڪپ لاءِ قومي ٽيم جي آفيشل ڪٽ متعارف

لاهور: پي سي بي ايندڙ مهيني آسٽريليا ۾ شروع ٿيندڙ ٽي-20 ورلڊڪپ لاءِ آفيشل ڪٽ متعارف ڪرائي ڇڏي آهي. قومي ٽيم جي نئين ٽي-20 ورلڊڪپ جي آفيشل ڪٽ کي ٿنڊر جو نالو ڏنو ويو آهي، پي سي بي آفيشل ڪٽ جي وڊيو به سوشل ميڊيا تي جاري ڪري ڇڏي آهي. قومي ٽيم جي ڪپتان بابراعظم طرفان آفيشل ڪٽ جي پڌرائي ڪئي وئي آهي، وڊيو ۾ شاداب خان، نسيم شاهه، ڪائنات امتياز ۽ فاطمه ثنا به ڪٽ پهريل نظر اچي رهيون آهن. ٽي-20 ورلڊڪپ ۾ پاڪستاني ٽيم پنهنجي پهرين ميچ 23 آڪٽوبر تي ميلبورن ۾ ڀارت خلاف کيڏندو.