دبئي: آءِ سي سي ٽي ٽوئنٽي ورلڊڪپ لاءِ نيوزيلينڊ ڪرڪيٽ ٽيم جو اعلان ڪيو ويو آهي. آءِ سي سي ٽي-ٽوئنٽي ورلڊڪپ لاءِ 15 رڪني اسڪواڊ جي قيادت ڪين وليمسن ڪندو، نيوزيلينڊ جو اوپننگ بيٽسمين مارٽن گپٽل 7 ٽي-ٽوئنٽي ورلڊ ڪپ لاءِ ٽيم ۾ شامل آهي، جڏهن ته نيٿن ميڪولم ۽ راس ٽيلر 6 ڀيرا ٽي-20 ورلڊڪپ کيڏي چڪا آهن. نيوزيلينڊ ڪرڪيٽ ٽيم موجب ٽه ملڪي سيريز ۾ به نيوزيلينڊ جو ٽي-ٽوئنٽي ورلڊ اسڪواڊ شرڪت ڪندو، ٽي ملڪي ٽي20 سيريز 7 آڪٽوبر کان شروع ٿيندي، پاڪستان ۽ بنگلاديش جون ٽيمون ٽه ملڪي سيريز ۾ شامل آهن. اسڪواڊ ۾ فن ايلن، ٽرينٽ بولٽ، مائيڪل بريسويل، مارڪ چيپمين، ڊيون ڪانوي، لوڪي فرگوسن، ايڊم ملن، ڊيرل مچل، جمي نيشم، گلين فلپس، مچل سينٽنر، ايش سوڍي ۽ ٽم سائوٿي شامل آهن.
