ڪراچي: پاڪستان خلاف پهرئين ٽي-ٽوئنٽي ۾ ففٽي هڻي ٽيم جي ڪاميابي ۾ اهم ڪردار ادا ڪندڙ انگلش بيٽسمين ايلڪس هيلز جو چوڻ آهي ته ڪرڪيٽ ۾ واپسي بعد واري ميچ ۾ ففٽي تمام خاص آهي. ڪراچي جي نيشنل اسٽيڊيم ۾ پاڪستان خلاف ميچ کانپوءِ ميڊيا سان ڳالهائيندي ايلڪس هيلز چيو ته اها واپسي منهنجي لاءِ يادگار هئي، پاڪستان سپر ليگ جو تجربو ڪم آيو.
هن چيو ته مان نوجوان رانديگرن سان پنهنجو تجربو شيئر ڪري رهيو آهيان، پاڪستان جو گرائونڊ ڪافي مضبوط آهي، منهنجو خيال آهي ته پاڪستان جي سٺي شروعات کانپوءِ اسان شاندار بالنگ ڪئي، اها ڊگهي سيريز آهي، اسان ڪوشش ڪنداسين ته ايندڙ ميچ کٽي پنهنجي برتري مضبوط ڪريون. هن چيو ته ڪراچي ڪرڪيٽ کيڏڻ لاءِ خاص جاءِ آهي ۽ اهو سندس لاءِ وڏو بونس آهي ته هو هتي اڳ به کيڏي چڪو آهي.
