اڳوڻو فاسٽ بالر وقار يونس نسيم شاهه ۾ ڊينس للي جي جهلڪ ڏسڻ لڳو

لاهور: قومي ڪرڪيٽ ٽيم جو اڳوڻو فاسٽ بالر وقار يونس نسيم شاهه ۾ ڊينس للي جي جهلڪ ڏسڻ لڳو. وقار يونس چيو آهي ته پاڪستاني پيس بيٽري کي ڏسندا ته هميشه ان کي چوٽي تي آڻڻ جا اميدوار هوندا آهن، جڏهن مون نسيم شاهه کي پهريون ڀيرو ڏٺو ته هو مون کي مڪمل پراڊڪٽ لڳي رهيو آهي، رن اپ شاندار آهي، ڪلاسڪ ايڪشن ۽ رفتار به تيز آهي. هن جو ڊينس للي جهڙو ايڪشن آهي، آسٽريليا جي دوري کان اڳ محمد عامر ۽ وهاب رياض وڃڻ کان انڪار ڪيو ته پوءِ سوچيم ته ڇو نه ڪنهن باصلاحيت نوجوان کي موقعو ڏنو وڃي.