آئي سي سي ٽي 20 ورلڊ ڪپ ۾ کيڏندڙ ٽيمن جي انعامي رقمن جو اعلان ڪري ڇڏيو آهي، جنهن تحت ايونٽ جي فاتح ٽيم کي 16 لک ڊالر ملندا، جيڪي پاڪستاني رپين ۾ 36 ڪروڙ 22 لک رپيا ٿين ٿا. ميڊيا مطابق آئي سي سي جي جاري ڪيل بيان موجب ٻي پوزيشن واري رنر اپ ٽيم کي 8 لک ڊالر يعني 18 ڪروڙ رپيا ڏنا ويندا، اهڙي ريت سيمي فائنل هارائيندڙ ٽيمن کي 4،4 لک ڊالر يعني 9،9 ڪروڙ رپيا ڏنا ويندا. سپر مرحلي مان نڪرڻ تي هڪ ڪروڙ 58 لک رپيا ۽ پهرين مرحلي مان نڪرندڙ کي 90 لک 57 هزار رپيا ملندا. آئي سي سي جي بيان ۾ ڄاڻايو ويو آهي تھ ايونٽ ۾ سپر 12 مرحلي دوران هي ڪاميابي تي 40 هزار آمريڪي ڊالر انعام ۾ ڏيڻ جو فيصلو ٿيو آهي. ياد رهي تھ سپر 12 مرحلي ۾ 8 ٽيمن سڌي ريت ڪواليفائي ڪيو آهي ۽ ڪل 16 ٽيمون ايڪشن ۾ هونديون.
