ويسٽ انڊيز وارم اپ ميچ ۾ يو اي اي کي شڪست ڏئي ڇڏي

ويسٽ انڊيز جي ڪرڪيٽ ٽيم ٽي 20 ورلڊ ڪپ جي وارم اپ ميچ ۾ گڏيل عرب امارتن جي ٽيم کي شڪست ڏئي ڇڏي آهي. ميڊيا مطابق وارم اپ ميچ ۾ ويسٽ انڊيز يو اي اي کان رڳو 17 رنسن تان ڪاميابي ماڻي سگهي آهي. ويسٽ انڊيز جي ٽيم ويسٽ انڊيز 9 وڪيٽن تي 152 رنسون ڪيون، جنهن ۾ برنڊن ڪنگ 64 ۽ نڪولس پوران 46 رنسن سان نمايان رهيا. جڏهن تھ يو اي اي 6 وڪيٽن تي 135 ٺاهيون، جنهن ۾ محمد وسيم 69 رنسن جي شاندار اننگز کيڏي آهي. جڏهن تھ بالرن ۾ جنيد صديقي 5 وڪيٽون وٺي پاڻ مڃايو آهي.