سريلنڪا وارم اپ ميچ ۾ زمبابوي کي 33 رنسن تان هارائي ڇڏيو

ٽي 20 ورلڊ ڪپ جي وارم اپ ميچ ۾ سريلنڪا جي ڪرڪيٽ ٽيم زمبابوي کي 33 رنسن تان شڪست ڏئي ڇڏي آهي. ميڊيا مطابق سريلنڪا جي بيٽرن 5 وڪيٽن تي 188 رنسون ڪيون، جن ۾ مينڊس 54، هسارنگا 37، نشانڪا 25، ڊي سلوا، دنوشڪا ۽ راجاپاڪسا 17،17 رنسن جي اننگز کيڏي، جنهن جي جواب ۾ زمبابوي 5 وڪيٽن تي 135 رنسون ٺاهيون، جنهن ۾ ويسلي مڌيوري 42 ۽ ملٽن شنبا 32 رنسون ٺاهي نمايان رهيا. سريلنڪا جي بالرن مان مهيش ٺڪشانا ۽ چميڪا ڪرونارتني 2،2 وڪيٽون ورتيون آهن.