نيوزيلينڊ ڪرڪيٽ پاران پاڪستان جو دورو شيڊول تحت ڪرڻ جو اعلان

نيوزيلينڊ جي ڪرڪيٽ بورڊ پاڪستان جو رٿيل دورو شيڊول تحت ئي ڪرڻ جو اعلان ڪيو آهي. ميڊيا مطابق نيوزيلينڊ ڪرڪيٽ جي بيان ۾ ڄاڻايو ويو آهي تھ عمران خان تي حملي باوجود دورو ساڳئي شيڊول موجب طئي آهي، پر اسين سڪيورٽي معاملن کي ڏسي رهيا آهيون. ٽيم جي هيڊ ڪوچ گيري اسٽيڊ پڻ يقين ڏيکاريو آهي تھ دورو ڪيو ويندو، هن ٻڌايو تھ سيڪيورٽي ۾ انگلينڊ جي کنيل قدمن مان رهنمائي وٺنداسين، ڇوتھ اهي بهترين هئا.