ڪرن جوهر متعارف ڪرايو، ماڻهو نفرت ڪن ٿا: جهانوي ڪپور

بالي ووڊ فلمن جي ليجنڊ سري ديوي جي نياڻي جهانوي ڪپور اعتراف ڪيو آهي تھ مون کي فلمن ۾ ڪرن جوهر متعارف ڪرايو آهي، تنهنڪري ماڻهو مون کان نفرت ڪندا آهن. ميڊيا مطابق هڪ انٽرويو دوران ڳالهائيندي هن ٻڌايو تھ اها حقيقت آهي تھ ڌرما پراڊڪشن ملڪ ۾ تمام گهڻي مشهور آهي، ان جو رجحان ٻين کان ڌار هجڻ ڪري دلچسپ هجي ٿو، تنهنڪري مان ماڻهن وٽ نفرت جو آسان هدف بڻجي ويندي آهيان. هن چيو تھ بهرحال مون ان ڳالهه تي پڇتايو ناهي.