انگلينڊ ڪرڪيٽ ٽيم جو اڳوڻو آل رائونڊر اينڊريو فلنٽاف ڪار حادثي ۾ زخمي

لنڊن: انگلينڊ ڪرڪيٽ ٽيم جو اڳوڻو آل رائونڊر اينڊريو فلنٽاف ڪار حادثي ۾ زخمي ٿي پيو. پرڏيهي ميڊيا رپورٽن موجب اينڊريو فلنٽاف هڪ برطانوي ٽي وي شو ٽاپ گيئر جي رڪارڊنگ دوران ڪار حادثي جو شڪار ٿي ويو، جنهن کي موقعي تي موجود ٽيم پاران ابتدائي امداد ڏني وئي ۽ پوءِ هوائي جهاز ذريعي اسپتال پهچايو ويو. رپورٽن مطابق آل رائونڊر جو اسپتال ۾ علاج هلندڙ آهي پر ڪار تيز رفتار نه هئڻ سبب سندس جان کي ڪو خطرو ناهي.