ايشيا ڪپ دوران پاڪستان ۽ ڀارت هڪ ئي گروپ ۾ کيڏندا

ايشيا ڪپ جي ايونٽ ۾ ٻن روايتي مالف ٽيمن پاڪستان ۽ ڀارت کي هڪ ئي گروپ ۾ شامل ڪيو ويو آهي، جڏهن تھ ٽين ٽيم ڪواليفائر هوندي. ميڊيا مطابق ايشين ڪرڪيٽ ڪائونسل جي سربراهه جئي شاهه پاران جاري ڪيل سالياني ڪيلينڊر ۽ پاٿ وي تحت ايونٽ جي ٻئي گروپ ۾ سريلنڪا، بنگلاديش ۽ افغانستان کنيو ويو آهي. ياد رهي تھ جون ۾ ويمنز ايمرجنگ ايشيا ڪپ رٿيل آهي، جنهن ۾ پاڪستان اي ۽ ڀارت اي شامل آهن. جڏهن تھ ڀارت پاڪستان ۾ رٿيل ايشيا ڪپ ۾ ٽيم نھ موڪلڻ جو اعلان اڳ ئي ڪري چڪو آهي.