ڪوٽڙي جي ريلوي گرائونڊ تي 26 ڏينهن کان جاري اسڪول بوائز هاڪي ڪوچنگ ڪئمپ پڄاڻي تي پهچي وئي، جنهن جي شاندار تقريب ۾ شفقت ضيا چوهاڻ کي ڊسٽرڪٽ هاڪي ايسوسيئيشن ڄامشوري جو چيئرمين نامزد ڪيو ويو. ان موقعي تي خاص مهمان شفقت چوهاڻ، مظهر راجپوت ۽ ڊسٽرڪٽ هاڪي جي سيڪريٽري رضوان تنوير ڪوچنگ ڪئمپ ۾ شرڪت ڪندڙ ٻارڙن ۾ انعام طور هاڪيون، شن گارڊ ۽ شرٽون ورهايون. پڄاڻي واري تقريب کان اڳ حيدرآباد ۽ ڄامشوري جي هاڪي ٽيمن وچ ۾ هڪ نمائشي مئچ کيڏي وئي، جنهن ۾ ڄامشوري جي ٽيم علي داد جي ٻن بهترين گولن جي مدد سان 0- 2 تان ڪاميابي حاصل ڪري ورتي، انتظاميا طرفان ڪوچنگ ڪئمپ کي هر سال جاري رکڻ جو اعلان پڻ ڪيو ويو.
