انڊين ويلز ٽينس ۾ ميگڊالينا ۽ ايما نوارو ميچ کٽي ورتا

آمريڪا ۾ جاري ٽينس جي ٽورنامينٽ انڊين ويلز ۾ پولينڊ جي ٽينس اسٽار ميگڊالينا ۽ آمريڪي رانديگرياڻي ايما نوارو پنهنجا پنهنجا ميچ کٽي ايندڙ رائونڊ ۾ جڳهه ٺاهي ورتي آهي. ميڊيا مطابق ڪيليفورنيا جي رياست ۾ جاري مقابلن دوران آمريڪا جي ايما نوارو پنهنجي هم وطن ڪيٽي مڪ نالي کي شڪست ڏني آهي. جڏهن تھ پويلينڊ جي ميڊالينا ٻئي مقابلي ۾ يوڪرين جي ٽينس اسٽار مائرينا زينويسڪا کي شڪست ڏئي ٻئي رائونڊ ۾ ڪواليفائي ڪيو آهي.