پي ايس ايل سيزن 8 جي مقابلن ۾ پشاور زلمي 13 رنسن تان اسلام آباد يونائيٽڊ کي شڪست ڏئي ڇڏي آهي. ميڊيا مطابق راوالپنڊي جي ميدان تي کيڏيل اهم ميچ ۾ پشاور زلمي 8 وڪيٽن تي 179 رنسون ٺاهي وڏو هدف ڏئي ورتو، جنهن ۾ محمد حارث 79، ڀانوڪا راجاپڪسا 41، ٽام ڪوهلر ڪڊمور 12، حسيب الله خان 10، خرم شهزاد 11 رنسون ڪيون. اسلام آباد يونائيٽڊ جي بالرن حسن علي 3 شڪار ڪيا، شاداب خان 2 وڪيٽون ورتيون، اهڙي ريت اسلام آباد يونائيٽڊ جي ٽيم 166 رنسن تي آئوٽ ٿي وئي، جنهن ۾ فهيم اشرف 38، رحمان الله گرباز 33 رنسن سان نمايان رهيا، پشاور زلمي جي بالرن مان خرم شهزاد ۽ صفيان معين 3،3 وڪيٽون وٺي پاڻ ملهايو آهي. هوڏانهن ايندڙ هفتي کان شروع ٿيندڙ ڪواليفائر ۽ ايليمنيٽر ميچن ۾ ملتان سلطان جو لاهور قلندرز ۽ اسلام آباد يونائيٽڊ جو زلمي سان مقابلو ٿيندو.
