پاڪستان جي آسڪر ايوارڊ ماڻيندڙ هدايتڪارا ۽ پروڊيوسر شرمين عبيد چنائي هالي ووڊ جي مشهور سيريز اسٽار وارز فلم جي هدايتڪار طور ٽيم ۾ شامل ٿي وئي آهي. ميڊيا مطابق لنڊن ۾ اسٽار وارز سيليبريشن جي تقريب ۾ هالي ووڊ اسٽار وارز سيريز جي ٽن نين فلمن جو اعلان ڪري هڪ فلم جي هدايتڪار طور شرمين عبيد چنائي جي نالي جو اعلان ڪيو ويو آهي.
رپورٽ ۾ ڄاڻايو ويو آهي تھ شرمين عبيد چنائي پهرين پاڪستاني، ايشيائي ۽ اڇي رنگ کان هٽيل شخصيت طور بھ ڪهڪشائن جي دنيا کي پيش ڪندي. هوڏانهن جاري ڪيل پيغام ۾ شرمين عبيد چنائي ٻڌايو تھ اسٽار وارز جي گهرائي ۾ وڃڻ تي خوش آهيان،
مون کي انهن هيروز جو سفر وڻندو آهي. هن چيو تھ مون بھ ظالم معاشرن ۾ رڪاوٽن سان وڙهندڙ اصل هيروز سان گڏ زندگي گذاري آهي، اسٽار وارز جي ڪهاڻي بھ مون وٽ ائين آهي.
