بالي ووڊ اداڪارا ۽ اڳوڻي سونهن راڻي ايشوريا رائي ۽ اڀيشڪ بچن جي ڌيءَ آراڌيا بچن پنهنجي صحت جي حوالي سان غلط خبر جاري ڪرڻ تي دهلي هائي ڪورٽ ۾ پهچي شڪايتي درخواست داخل ڪرائي هئي، جنهن تي عدالت يوٽيوب کي ان حوالي سان سمور مواد هٽائڻ جو حڪم ڏيندي ذميواري محسوس ڪرڻ جي هدايت ڪئي آهي. عدالت فيصلي ۾ ٻڌايو تھ هي نياڻي چاهي اها مشهور شخصيت جو اولاد هجي يا نھ ان جو احترام لازمي آهي. هوڏانهن اڀيشڪ بچن ميڊيا کي جاري ڪيل بيان ۾ چيو آهي تھ مشهور شخصيت هجڻ ناتي جنهن کي جيڪو ڪجهه چوڻو آهي، اهو اسان کي چئي، آراڌيا کي وچ ۾ نھ آندو وڃي.
