اي سي سي پريميئر ليگ جي رائونڊ مقابلن ۾ ملائشيا سعودي عرب ۽ بحرين سنگاپور کي شڪست ڏئي پنهنجا پنهنجا ميچ کٽي ورتا آهن. ميڊيا مطابق بحرين جي ٽيم 8 وڪيٽن تي 268 رنسون ڪيون، جنهن ۾ فيض احمد 79 ۽ شهباز بدر 76 رنسن سان نمايان رهيا. اهڙي ريت سنگاپور جي ٽيم 156 رنسن تي آئوٽ ٿي وئي، سريندرن چندر موهن 51 رنسن سان نمايان رهيو، بحرين جي بالرن عمران انور 4 ۽ رضوان بٽ 3 وڪيٽون ورتيون. هوڏانهن ٻي ميچ ۾ سعودي عرب جي ٽيم 153 رنسن تي آئوٽ ٿي وئي، حسيب غفور 40 رنسن سان نمايان رهيو، موٽ ۾ ملائشيا جي ٽيم 2 وڪيٽن تي هدف پورو ڪري ڪاميابي ماڻي ورتي، جنهن ۾ محمد عامر 56، ويرنديپ 51 رنسن سان نمايان رهيا.
