پاڪستان جي سينيئر ڳائڻي طاهرا سيد بالي ووڊ جي ليجنڊ اداڪارا شرميلا ٽئگور لاءِ گيت ڳائي محفل جهومائي ڇڏيو آهي. ميڊيا مطابق سماجي شخصيت ڊاڪٽر عذرا رضا پاران شرميلا ٽئگور جي مان ۾ تقريب ٿي، جنهن ۾ منوج باجپائي سميت بالي ووڊ جي ڪيترن ئي اداڪارن پڻ شرڪت ڪئي، تقريب ۾ شرميلا ٽئگور طاهرا سيد کان سندس والدا ملڪا پکراج جو 1940ع ۾ ڳايل سدا بهار گيت اڀي تو مين جوان هون، ڳائڻ جي فرمائش ڪئي، تقريب دوران طاهرا سيد گيت اڀي تو مين جوان هون ڳايو تھ سمورا ماڻهو داد ڏيڻ بنا رهي نھ سگهيا ۽ انهن مٿان سحر طاري ٿي ويو. ياد رهي تھ حفيظ جالنڌري جي شاعري کي طاهرا سيد جي والدا ملڪا پکراج ڳائي شهرت ماڻي هئي.
