ايشيا ڪپ لاءِ پاڪستان جو هائبرڊ ماڊل تسليم ڪيو ويو آهي، جنهن بعد ڀارت جي اختيار ڪيل سخت موقف کي شڪست ملي آهي. ميڊيا رپورٽس ۾ دعوا ڪئي وئي آهي تھ ايونٽ جا ميچ پاڪستان ۽ سريلنڪا ۾ ٿيندا، ميزباني پي سي بي وٽ ئي رهڻ تي اتفاق ٿي ويو آهي، هائبرڊ ماڊل جي فارمولي تحت لاهور ايشيا ڪپ جي 4 ميچن جي ميزباني ڪندو، جيڪي ميچ قذافي اسٽيڊيم ۾ کيڏيا ويندا، جڏهن تھ ٽورنامينٽ جا باقي 9 مقابلا سريلنڪا ۾ ٿيندا. رپورٽ ۾ ڄاڻايو ويو آهي تھ ڀارتي ٽيم فائنل ۾ پهچڻ تي اها ميچ بھ سريلنڪا ۾ ٿيندي. رپورٽس دعوا ڪئي آهي تھ بي سي سي آئي هائبرڊ فارمولو مڃي ورتو آهي، تنهنڪري هائبرڊ ماڊل ڀارت ٻين بورڊز پاران مڃڻ بعد حتمي اعلان اي سي سي ڪندو، جنهن لاءِ امڪان آهي تھ شيڊول ايندڙ هڪ ٻن ڏينهن ۾ جاري ڪيو ويندو.
