ايشين ڪرڪيٽ ڪائونسل ويمنز ايمرجنگ ٽيمز ٽورنامينٽ ۾ سريلنڪا ۽ بنگلاديش اي ويمن ٽيمن پنهنجي پنهنجي ميچ کٽي ورتي آهي. ميڊيا مطابق هانگ ڪانگ ۾ شروع ٿيل ايونٽ ۾ بنگلاديش اي جي ٽيم 6 وڪيٽن تي 186 رنسون ڪيون، جنهن ۾ مرشدا خاتون 57 رنسن تي ناٽ آئوٽ رهي. جڏهن تھ ملائشيا جي ٽيم 8 وڪيٽن تي رڳو 51 رنسون ڍاهي سگهي، سندن 7 بيٽر سنگل ڊجيٽ ۾ رهيون. هوڏانهن ٻي ميچ ۾ يو اي اي جي ٽيم 95 رنسن تي آئوٽ ٿي وئي، جنهن ۾ مدوشيڪا 4 وڪيٽون وٺي پاڻ ملهايو آهي. جڏهن تھ سريلنڪا جي ٽيم 7 وڪيٽن تي هدف پورو ڪري ميچ کٽي ورتي آهي.
