ورلڊ ٽيسٽ چيمپيئن شپ جي فائنل ۾ ڀارتي ٽيم جي شڪست تي اڳوڻا ليجنڊ ڪرڪيٽر ويرات ڪوهلي جي بيٽنگ واري انداز تي ڪاوڙ ۾ تپي باهه ٿي ويا آهن ۽ انهن مٿس ڇتي تنقيد ڪئي آهي. ميڊيا مطابق سنيل گواسڪر، سچن ٽنڊولڪر ويرات ڪوهلي جي کيڏڻ جي انداز تي ڪاوڙ ڏيکاري آهي. ان حوالي سان سنيل گواسڪر جو چوڻ آهي تھ ويرات ڪوهلي کان پڇاڻو ٿيڻ گهرجي تھ هن اهم ميچ ۾ وننگ انداز بدران ڪهڙا شاٽس کيڏيا آهن. هن چيو تھ ٿي سگهي ٿو تھ ڪوهلي ڪو رڪارڊ ٺاهڻ جي چڪر ۾ آف اسٽمپ شاٽ کيڏيو هجي. هوڏانهن سچن ٽنڊولڪر ٽيم جي سليڪشن تي سوال اٿاريندي چيو آهي تھ مان حيران آهيان تھ ڪهڙي قسم جي پليئنگ اليون چونڊي وئي آهي.
