ايشين ايٿليٽس چيمپيئن شپ کيڏندڙ 5 رڪني ٽيم جو اعلان ڪيو ويو آهي، جنهن ۾ گولڊ ميڊلسٽ ارشد نديم پڻ شامل هوندو. ميڊيا مطابق پاڪستان ايٿليٽس فيڊريشن جي صدر اڪرم ساهي پاران رانديگرن جي منظوري ڏيڻ بعد ٽيم جو اعلان ڪيو ويو آهي، جنهن ۾ جيولين ٿرو گولڊ ميڊلسٽ ارشد نديم سميت 4 مرد ۽ هڪ عورت ايٿليٽس ٽيم ۾ شامل آهن. رپورٽ ۾ چيو ويو آهي تھ جيولين ٿرو ۾ ارشد نديم، ياسر سلطان، شجر عباس 100 کان 200 ميٽر سپرنٽ، عبدالمعيد 200 ۽ 400 ميٽر سپرنٽ ۽ عليشا عمران 100، 200 ۽ 400 ميٽر جي ريس ۾ حصو وٺندا. ياد رهي تھ ايونٽ 12 کان 16 جولائي تائين بينڪاڪ ۾ منعقد ڪيو ويندو.
