ورلڊ ڪپ ڪواليفائر ۾ نيڌر لينڊ نيپال کي شڪست ڏئي ڇڏي

ورلڊ ڪپ ڪواليفائر جي 14هين ميچ ۾ نيڌر لينڊ نيپال کي شڪست ڏئي پنهنجي لاءِ اهم ڪاميابي حاصل ڪري ورتي آهي. ميڊيا مطابق گروپ اي جي ميچ ۾ نيپال 167 رنسن تي آئوٽ ٿي ويو، جنهن ۾ روهت پوئڊل 33، ڪوشل ڀرٽل ۽ سنديپ لاميڇني 27،27 رنسون ٺاهي نمايان رهيا، نيڌر لينڊ جي بالر لوگن وان 4، باس ڊي ليڊي ۽ وڪرم جيت سنگهه 2،2 وڪيٽون وٺڻ ۾ ڪامياب ٿيا. هوڏانهن نيڌر لينڊ جي ٽيم 3 وڪيٽن جي نقصان تي 28 اوور ۾ هدف پورو ڪري ڪاميابي ماڻي، جنهن ۾ ميڪس او ڊاوڊ 90، باس ڊي ليڊي 41، وڪرم جيت سنگهه 30 رنسن سان نمايان رهيا.