ايشز ويمنز جي پهرين ٽيسٽ ۾ آسٽريليا 473 رنسن تي آئوٽ ٿي وئي آهي، جنهن جي موٽ ۾ انگلينڊ 4 وڪيٽون وڃائي 360 رنسون ٺاهي ورتيون آهن. ميڊيا مطابق آسٽريليا ويمن جي بيٽر انابيل سٿرلينڊ شاندار اننگز کيڏندي 137 تي ناٽ آئوٽ رهي، هڪ ٻي بيٽر ايلسي پيري 99 تي وڪيٽ وڃائي سينچري کان محروم رهجي وئي آهي. اهڙي طرح ٽهليا مڪگراٿ 61، ايشلي گارڊنر 40 رنسن سان نمايان رهيون. انگلينڊ جي بالر ايڪليسٽون آسٽريليا جون 5 وڪيٽون ورتيون، بيل ۽ فائلر بھ 2،2 شڪار ڪيو آهي. انگلينڊ انگلش ٽيم 4 وڪيٽن تي 360 اسڪور ڪيو، جنهن ۾ ايما ليب 10 ۽ هيٿرنائيٽ 57، نيٽ سائيور برنٽ 78، صوفيا ڊنڪلي 9 رنسن تي آئوٽ ٿي ويون، جڏهن تھ ٽيمي بيومونٽ 170 ۽ ڊاني وائيٽ 24 رنسن سان ڪريز تي موجود آهن.
