ڪراچي: جرمني جي شهر برلن ۾ اسپيشل اولمپڪ ورلڊ گيمز ۾ شاندار ڪارڪردگي جو مظاهرو ڪرڻ کانپوءِ پاڪستاني ٽيم وطن واپس پهچي وئي، واپسي تي رانديگرن جو شاندار استقبال ڪيو ويو، ايونٽ ۾ پاڪستاني رانديگرن 80 ميڊلز يعني 11 گولڊ، 29 سلور ۽ 40 برونز ميڊل حاصل ڪيا. برلن ۾ 17 کان 25 جون تائين منعقد ٿيل اسپيشل اولمپڪس ورلڊ گيمز ۾ شرڪت کانپوءِ قومي ٽيم جي رانديگرن جو ڪراچي، لاهور ۽ اسلام آباد ايئرپورٽ پهچڻ تي اسپيشل اولمپڪس پاڪستان جي آفيسرن ۽ سندن مائٽن طرفان شاندار استقبال ڪيو ويو.
ان موقعي تي ڪراچي، لاهور ۽ اسلام آباد جي هوائي اڏن جي فضا پاڪستان زنده باد جي نعرن سان گونجي اٿي، رانديگرن ۽ آفيسرن کي گلن جي ورکا ڪئي وئي، رانديگرن کي ڀليڪار جا بينر ۽ ميڊلز سان گڏ فوٽوز تي ٻڌل پوسٽر لڳايا ويا. پاڪستان لا گولڊ ميڊلز حاصل ڪندر رانديگرن سيف الله سولنگي، عثمان قمر، عمير ڪياني، فائز ناصر، ناهين خان، محمد لقمان، زينب علي رضا، ۽ ورلڊ گيمز جي افتتاحي تقريب کي مشعل بردار ثنا جو چوڻ هو ته پاڪستان لاءِ کٽڻ جي جذبي سان برلن ويا هئاسين. هن چيو ته ورلڊ گيمز جهڙي ميگا ايونٽ ۾ پاڪستان لاءِ ميڊل کٽڻ ڪنهن وڏي اعزاز کان گهٽ ناهي، اسان جي محنت، ڪوچز جي تربيت، اسپيشل اولمپڪس پاڪستان جي سرپرستي ۽ پوري قوم جي دعائن سان ڪاميابي ممڪن ٿي آهي.
