ورلڊ ڪپ مان نڪرڻ تي سينيئر رانديگرن جي بورڊ تي تنقيد

ڀارت ۾ شيڊول ورلڊ ڪپ ون ڊي مان ويسٽ انڊيز جي ٽيم جي نڪرڻ تي سينيئر رانديگرن بورڊ کي ڇتي تنقيد جو نشانو بڻايو آهي. ميڊيا مطابق ويسٽ انڊيز جي سينيئر ڪرڪيٽرن ڪارلوس براٿويٽ ۽ آئن بشپ ناڪامي کي بورڊ جي پاليسين جو نتيجو قرار ڏئي ڇڏيو آهي. ڪارلوس براٿويٽ جو چوڻ آهي تھ هي اها گهٽ کان گهٽ هيٺاهين واري جڳهه آهي، جتي اوهان وڃي سگهو ٿا، اسان وٽ ٽيلنٽ کي نھ سمجهڻ ئي اصل مسئلو آهي. آئن بشپ جو چوڻ هو تھ ڪوچ مٽايو، ڪپتان تبديل ڪيو، ڪجهه بھ بدلايو، پر هي نتيجا اسان جي اميدن وٽان ناهن.