افغانستان جي ڪرڪيٽ ٽيم پهريون ڀيرو بنگلاديش کان ون ڊي سيريز کٽي تاريخ لکي ڇڏي آهي. ميڊيا مطابق ٽن ميچن واري ون ڊي سيريز جي ٻي ميچ ۾ بھ افغانستان جي ٽيم 142 رنسن تان بنگلاديش کي شڪست ڏئي سيريز پنهنجي نالي ڪئي آهي. ان کان اڳ افغانستان جي ٽيم 9 وڪيٽن تي 331 رنسون ٺاهي بنگلاديش کي هدف ڏنو، جنهن ۾ رحمان الله گرباز 145 ۽ ابراهيم زادران 100 رنسن جي اننگز کيڏي ڪاميابي ۾ ڪردار ادا ڪيو. بنگلاديش جي ٽيم هدف ماڻڻ جي ڪوشش ۾ 189 رنسن تي آئوٽ ٿي وئي، جنهن ۾ مشفيق الرحيم 69 رنسن سان نمايان رهيو. افغان بالرن فضل الحق فاروقي ۽ مجيب الرحمان 3،3 وڪيٽون ورتيون آهن. ياد رهي تھ ٽن ميچن مان 2 ميچن ۾ افغانستان ڪاميابي ماڻي چڪو آهي.
