ايمرجنگ ايشيا ڪپ جي سيمي فائنل ۾ پاڪستان اي سريلنڪا اي کي شڪست ڏئي فائنل ۾ پهچي وئي آهي. ميڊيا مطابق ڪولمبو ۾ ايونٽ جي سيمي فائنل جي ميچ ۾ پاڪستان اي سريلنڪا اي کي 60 رنسن تان هارايو آهي. پاڪستان پهرين بيٽنگ ڪندي 322 رنسون ٺاهيون، جنهن ۾ عمير شريف 88، ڪپتان حارث 52 ۽ مبصر 42 رنسن سان نمايان رهيا، وسيم جونيئر بھ 24 رنسن سان پاڻ ملهايو، سريلنڪا جي بالر لهرو سماراڪون، پرامود مدوشان ۽ چميڪا ڪرونارتني 2،2 وڪيٽون ورتيون. هوڏانهن پاڪستان جون 322 رنسن جي جواب ۾ سريلنڪن بيٽرن 262 رنسون ٺاهيون، جن ۾ اويشڪا فرنينڊو ۽ ساهن آراچگهي 97، 97 ٺاهي آئوٽ ٿي ويا. پاڪستاني بالر ارشد اقبال جارحاڻي بالنگ ڪرائي 5 وڪيٽون وٺي ٽيم کي ڪاميابي ڏياري، باقي بالرن ۾ مبصر خان ۽ سفيان مقيم 2،2 شڪار ڪيا آهن. جڏهن تھ ارشد اقبال پليئر آف دي ميچ جو اعزاز ماڻيو آهي.
