لاهور: پاڪستان ڪرڪيٽ بورڊ (پي سي بي) ايشين گيمز لاءِ مردن جي ٽيم جو اعلان ڪري ڇڏيو. ايڪسپريس نيوز موجب 23 سيپٽمبر کان 8 آڪٽوبر تائين چين جي شهر هانگزو ۾ ٿيندڙ ايشين گيمز لاءِ قومي مرد اسڪواڊ کي فائنل ڪيو ويو آهي، قومي ٽيم جي قيادت قاسم اڪرم ڪندو. ذريعن جو چوڻ آهي ته پاڪستان اولمپڪس ايسوسيئيشن کي موڪليل لسٽ ۾ قاسم اڪرم (ڪپتان)، حيدر علي، آصف علي، خوشدل شاهه، طاهر بيگ، عمير بن يوسف، روحيل نذير، محمد اخلاق، محمد حسنين، عامر جمال، ارشد اقبال، شاهنواز ڏاهاڻي، عرفات منهاس، عثمان قادر ۽ صفيان مقيم جا نالا شامل آهن.
