پي سي بي پاران جلد ڊوميسٽڪ ڪرڪيٽ جي بحالي جو امڪان آهي، جنهن تي غور ويچار لاءِ ريجنل صدرن کي اڄ لاهور ۾ اجلاس لاءِ طلب ڪيو ويو آهي. ميڊيا مطابق پي سي بي اختيارين ڊوميسٽڪ ڪرڪيٽ جي ڍانچي تي مشاورت لاءِ 12 چونڊيل ريجنل صدر سڏايا آهن، اجلاس ۾ نئين ڊوميسٽڪ ڍانچي بابت تجويزون ورتيون وينديون، جنهن جو اعلان ايندڙ هفتي چيئرمين ذڪا اشرف پاران متوقع آهي. رپورٽ ۾ چيو ويو آهي تھ ٽيڪنيڪل ڪرڪيٽ ڪاميٽي جا ميمبر ۽ ڊائريڪٽر آپريشن کي بھ اجلاس ۾ سڏايو ويو آهي تھ جيئن مشاورت مڪمل ٿي سگهي. ذريعن جو چوڻ آهي تھ اجلاس ۾ ريجنل صدرن کي نئين ڊوميسٽڪ ڍانچي تي پريزنٽيشن بھ ڏني ويندي. ياد رهي تھ ذڪا اشرف ڊوميسٽڪ ۽ ريجنل ڪرڪيٽ جي بحالي لاءِ اهم فيصلا ڪرڻ لاءِ قدم کڻي رهيو آهي.
