پاڪستان هاڪي فيڊريشن ۾ مالي بيقائدگين جي جاچ لاءِ ايف آئي اي کي حڪم جاري ڪيو ويو آهي، جنهن لاءِ پاڪستان اسپورٽس بورڊ ۽ بين الصوبائي وزارت ايف آئي اي اختيارين کي خط لکي باضابطا طور تي سفارش پڻ ڪري ڇڏي آهي. ميڊيا رپورٽ ۾ ڄاڻايو ويو آهي تھ وفاقي حڪومت مدو ختم ٿيڻ کان اڳ هاڪي فيڊريشن ۾ گهوٻين جي جاچ کولي ڇڏي آهي، ان کان اڳ وزيراعظم شهباز شريف جي صدارت هيٺ اجلاس ۾ خط لکڻ ۽ جاچ بابت تجويزون تيار ڪري ايف آئي اي کي حڪم ڏنو ويو آهي تھ هاڪي فيڊريشن ۾ بيقائدگين جو جائزو وٺي ۽ جاچ ڪري اسپورٽس بورڊ جي گهرجن کي پورو ڪيو وڃي.
