پي سي بي جي مينيجمينٽ ڪاميٽي جي تازو اعلان ڪيل ڊوميسٽڪ ڪرڪيٽ ۾ صوبن جون ٽيمون ختم ڪيو ويو آهي. ميڊيا مطابق ڪرڪيٽ جي مشهور ويب سائيٽ ڪرڪ انفو پنهنجي رپورٽ ۾ ڄاڻايو آهي تھ پي سي بي مينيجمينٽ ڪاميٽي جي اعلانيل ڊوميسٽڪ ڪرڪيٽ جي ڍانچي ۾ ڊپارٽمينٽس ٽورنامينٽ ۾ اضافو ڪيو ويو آهي. ڪرڪ انفو ڄاڻايو آهي تھ قائداعظم ٽرافي جي ميچن ۾ ڊپارٽمينٽس جون ٽيمون ريجنز جي ٽيمن سان گڏ شريڪ نھ ٿينديون، جڏهن تھ ڊپارٽمينٽ جون 8 ٽيمون پريزيڊنٽ ٽرافي جي نالي سان ڌار ٽورنامينٽ ۾ کيڏنديون، اهو ٽورنامينٽ قائداعظم ٽرافي جي پڄاڻي تي ٿيندو. رپورٽ موجب قائداعظم ٽرافي ۾ ٽيمن جو تعداد 6 مان وڌائي 8 ڪيو ويو آهي ۽ اهي هاڻ صوبن بدران شهرن مان هونديون.
