ويمنز فٽبال ورلڊ ڪپ جي فاتح ملڪ اسپين جي ٽيم ٽرافي سميت واپس ڏيهه پهچي وئي آهي، جتي سندس شاندار نموني سان استقبال ڪيو ويو آهي. ميڊيا مطابق عالمي چيمپيئن ويمنز ٽيم جي پهچڻ جو ٻڌي هزارين مداح ايئرپورٽ پهچي ويا، جن رانديگرياڻين جو ڀرپور استقبال ڪيو ۽ انهن کي اتساهه ڏنو. جڏهن تھ ٽيم پنهنجي ڪپتان سميت ورلڊ ڪپ جي ٽرافي خوشي وچان هوا ۾ اڇلي ۽ جهٽي جشن ملهايو آهي.
هوڏانهن ٽيم جي ڪپتان اولگا ڪارمونا والد جي وفات بعد پهريون ڀيرو ڏيهه پهتي آهي، پر هن چهرين تي اداسي آڻڻ بدران ٽيم سان گڏ رهي خوشين ۾ ڀرپور شرڪت ڪئي آهي. هوڏانهن عورت رانديگرياڻين جو اسپين جي شهر ميڊرڊ ۾ هر جڳهه تي استقابل ڪيو ويو
