همبنٽوٽا: افغانستان خلاف پهرين ون ڊي ميچ ۾ پاڪستاني آل رائونڊر شاداب خان شاندار ڪيچ پڪڙي مداحن کي حيران ڪري ڇڏيو. پاڪستان پهرين ميچ ۾ افغانستان کي کٽڻ لاءِ 202 رنسن جو ٽارگيٽ ڏنو هو ۽ هدف جو تعاقب ڪندي افغان ٽيم جا پهريان ٻه رانديگر 4 رنسن تي پويلين موٽي ويا هئا. ميچ جي چوٿين اوور دوران افغان ٽيم جي کاٻي هٿ جي بيٽسمين حشمت الله نسيم شاهه جي بال تي شاٽ کيڏڻ جي ڪوشش ڪئي پر اسڪوائر ليگ تي بيٺل شاداب خان حيران ڪندڙ ڪيچ ورتو ۽ افغان رانديگر کي آئوٽ ڪري پويلين جو رستو ڏيکاريو. شاداب خان جمپ ڪري ڪيچ پڪڙڻ جي ڪوشش ڪئي ۽ بال کي هڪ لمحي لاءِ مس ڪيو پر شاداب خان وري بال کي هوا ۾ ئي پڪڙي ورتو. شاداب جي ڪيچ پڪڙڻ جي انداز مداحن کي حيران ڪري ڇڏيو آهي.
